Pages

Saturday, October 13, 2012

Cinderella

Dahon na dumudulas sa ere
   ang iyong mga kamay
na kidlat namang humahampas
sa bola
   tuwing humahalik
             sa mga palad mo.

Nakikipagsayaw sa grabedad
   ang maton mong mga paa
eheheh
sa ritmo ng tibok
   ng puso ko.

Nagpaparupok ng aking kalsio.

Mahiwaga
   kung paanong mula
sa bintanang ito
ay nagkakasya ka
sa aking mga mata.
               Nakapagtataka
   kung paanong ako

ay nahuhumaling
   sa tingin at ngiti mong
para sa iba,
kung paanong tangayin
               ng hangin ang
tinig mong di para sa akin.

Hindi magandang
   kumurap
o mapuwing
dahil baka maglaho kang
                       bigla 
          sa aking paningin.

No comments:

Post a Comment