Posts

Tagu-taguan Maliwanag ang Buwan

Kapag nadampian ng lintek na sakit ang langit mula sa kapirasong sarap, kapag dinukit ng balang mapait ang buto
at balat ng mga naligaw sa impyerno,
hindi titigil sa pagsirit ang dugo.
Tapalan man ng himala, siyensya o pangako,
hindi titigil sa pagsirit ang dugo,
hangga't sinisipsip ng minurang lupa,
hangga't hindi na kayang itago
ang lahat sa talukap ng birheng ulap.
Hindi titigil sa pagsirit ang dugo
hanggat hindi nauutas ang lahat
ng walang malay na humihinga, ang
lahat ng sobrang dunong na ubod ng tanga,
ama namin, aba ginoong maria, putang ina.

Pinaglalapit tayo ng mga libro

Para sa mga tumatambay sa ilalim ng puno 
ng mabolo 
sa harap ng arts & 
sciences:
Oo, ikaw.
Nakakatawa, naaalala kita sa librong ito. 
May hindi ka makita na hindi ko rin naman makita. Minsan naiisip kita, minsan naiisip pa rin kita.
May hindi ko alam na nilalayo ko nang kusa
sa iyo, ngunit pinaglalapit pa rin
tayo ng mga libro.

March 6, 2004

Pinapatay kita ngayon

Kailangan ko ng hindi perpektong kaibigan. Hindi kailangang patuloy kitang makitang ganyan. 

Hindi kailangang manakit na naman. Kailangan lang kitang maramdaman.

Kakausapin pa sana kita
pero okay na ring hindi. Walang makakaalam na pinapatay kita ngayon.
Hindi na kita maisip. Hindi na kita makikilala. Magpapaturo pa naman sana akong magmahal.

Psycho

<Jolan>
Ngayong kasama na kita,
kung gusto mong mag- isa,
ipikit mo ang iyong mga mata.
Maniwala ka sa buhay.
Kalimutan mong patay ka na.

<Sarah>
Habang kasama
pa kita
Gusto kita na
mag-isa.
Maniwala ka
sa buhay.
Kalimutan mo
na patay ka na.
Mahalin mo na
ang iyong sarili.
Hindi kailangan
na lumuluha
kapag umiiyak.

ang ibigin kita

May mga dahilan na hindi kailangang malaman. May mga bagay na
hindi kailangang maintindihan. Patayin mo na lang ako. Huwag mong kalimutan
na umiyak pagkatapos. Lahat ng tanong ay may kasagutan. Patayin mo na ako.
Hindi ko sinabing mag-isip ka pa. Patayin mo ako. Huwag mong haya
March 18, 2004

The Leaf

A fallen leaf, no one had seen. neglected and forgotten. ended in silence
And there was me. lurk. dreaming you fall, to rest in my earth, to embosom my space. now and forever

Buwan

Tayo na sa buwan, samahan mo na ako, ayoko ng mag- isa dito sa mundo.
Tayo na sa buwan, hawakan mo na ako, dahil ginawa ako para sa’yo.
Dahil bukas kapag kasama pa rin kita, ‘wag ka ng mag- alala; hahawakan na rin kita, dahil ako ay ginawa para sa’yo talaga.
Tayo na sa buwan, iingatan kita, hindi kita iiwanan, kahit kailan.