Mga Piraso Ng Damdamin at Alaala

-
1. Para Sa Mapagpalaya
    Mapalad ka nga at
    nakikita mo
    na gumuguho ang
    mundo,
    nangangarap ka
    para sa mga tao, at
    naghahanap ka ng
    pagbabago.
    Bihira at
    pambihira ang
    taong kagaya mo.

 2. Blue-Eyes White Dragon
    Ang katahimikan
    ko ay masyado ng
    maingay.
    Natatakot ka at
    ayaw mo na marinig.
    Nanginginig ka sa
    mainit na lamig.
    Sukat lamunin ka
    ng sahig.
4. Culture shocker
    Nawasak mo
    ang aking kultura
    ng makasama kita.
    Naranasan ko
    ang mga pakiramdam
    na hindi napatunayang
    panaginip.
    Mga pakiramdam na
    hindi ko maipaliwanag
    at ng siyensiya.
    Nagustuhan ko
    ang bawat sandaling
    kasama kita,
    sa kabila ng dapat
    ay may kasama
    akong iba.
    Mga ala- alang
    hindi malilimutan,

    hangga’t naaalala natin.
    March 27, 2004

6. Umuulan na naman
    Subukan na
    nating umiyak
    sa ulan,
    maligo na tayo
    sa luha,
    dahil kanina ay

    nakita na naman
    kitang nag- iisa.
    Gusto ko ng
    malaman mo
    na malungkot ka.
    Katulad ko.
7. Malamig Na Ang Hangin
    Nakakalungkot
    kung bakit
    nagmamahal
    ang mga tao.
    Nakakatawa
    kung paano
    nila sakitan
    ang kanilang
    sarili.
    Nakakaawa
    sila.

    Binigyan kita
    ng bulaklak,
    dahil hindi ako
    nagbibigay
    ng bulaklak
    kapag patay na
    ang tao.


    Mahal kita.

 8. Mainit na ang tubig
    Kapag lumulubog ang araw.
    Kapag humahalik ang alon sa buhangin.
    Kapag yumayakap ang hangin.
    Kapag nangangarap ang mga bituin.
    Kapag malamig na ang tubig na malamig,
    katulad ng ating mga pag- ibig.
9. Bakasyon
    Hindi ko naisip
    na ang bakasyon
    ay bakasyon lamang.
    
    Ngayon naisip ko na.
    
    Namamatay ang
    mga araw.
    Malungkot kapag
    hindi napaghandaan,

    pero kahit napaghandaan.
    Laging naiiwan ang
    mga alaala at
    hindi lamang alaala.
    Nakakalungkot

    kapag tapos na.

 10. Ivory and Ebony
    Occurred on a nightmare, of unintended intentions;
    of how Wraith’s Moonsong sung of earthly and divine; and
    why Joni marry your best friend John.
    And you will never be mine.
    But, never will I let matter what matters really not.
    I’ll be the poet lost in rhymes.
    I’ll be the Peter Pan in your wonderlands.
    I’ll hold the days and push the time, while your gravity is pulling mine.

 11. Pagtatabi
    Pagtatama ng mga daliri.
    Pagsusuyo ng mga palad.
    Pagnanais ng mga mata.
    Pagtutupi ng mga agwat.
    Pagtatalik ng mga balikat.

    Pagatatabi ng mga hininga.

 12. Introspeksiyon
    Ayoko rin sa pag- iisip
    na ginawa ko.
    Bigla- bigla na lang akong
    kumakalas sa kaperpektuhan
    ng katahimikan ng hindi ko
    nalalaman.
    Parang nagdudulot tuloy

    ng perpektong kamalian.
    Iisipin ko na naman
    ang aking ginagawa.
    Napakahirap tanggapin,
    pero pwedeng ipaliwanag.
    Kaya lang nagagalit ako
    sa aking sarili.

    February 29, 2004

Comments

Post a Comment

Popular posts from this blog

CabSU Nueve

-
Ayokong kita’y sakyan pa. Nakiangkas ako sa bumubulusok mong pagtakbo, Habang gumegewang-gewang ang mga pangarap ko. Ipinagyayabang mo sa’kin ang mga bago mong tayong pyesa, samantalang pinababayaan mong inaanay, kinakalawang, nabubulok ang iba. Itinuturo mo sa aking kabastusan ang magsalita at magsulat ng mga bagay na maselan, samantalang nakapaskil sa’yong harapan ang pinakamalaking suso sa bayan. Hindi ko lubos maisip kung paano mo pinaghihiwalay ang sining at kabastusan. Pinipilit mong makipagsabayan sa karera ng buong mundo, samantalang sinasagasaan mo ang mga Isko at Iska mong pasahero. At magtataas ka na naman bukas ng pasahe mo. Maglalakad na lang ako..
Read more

Alamat ng Asukal na Pula

-
Noong unang panahon sa Hacienda Luisita sa plantasyon ng asukal ng mga Cojuanco may manggagawang bukid na ang ‘ngalan ay Sakada nagtatanim at nag-aani ng tubó. Si Sakada’y may asawa’t labing-isang anak tubo ng Bicol napadpad sa Tarlac payat, maitim na sunog ang balat sagana sa hirap sa sarap ay salat Ang tubó sa hasyenda ay napakatamis sapagkat dinidilig ang lupa ng pawis samantalang ang asukal ay napakaputi sapagkat may pag-asa ng ginhawang mithi Subalit si Sakadang istakholder ng azucarera at apatnapung taon nang nagsasaka sa hasyenda ay nanyn pipti lamang isang araw ang kinikita at hanggang ngayon wala pang lupang kanya Si Sakada sa trabaho’y Biglang nasibak Namatay sa gutom asawa’t dal’wang anak ‘Pinasa-diyos kapalarang sila’y nasadlak Sumunod na namatay ang tatlo pang anak Nagtipon ang mga manggag...
Read more

Ang Alamat ng Pico de Loro

-
Image
Noong unang panahon inutusan ni Kalikasan ang kanyang alagang higanteng loro na nagngangalang Marco upang hulihin ang mata ni Haring Araw. Mahiwaga at makapangyarihan ang mata ni Haring Araw sapagkat mayroon itong siyam na silahis na batong kulay dugo at kapag nakamulat ay nagdudulot ng matinding init at tagtuyot. Maagang lumipad si Marco sa lupa upang abangan ang pagsikat ni Haring Araw. Habang nasa himpapawid nakarinig si Marco ng isang napakagandang tinig. Malakas na ipinagaspas ni Marco ang kanyang malalapad na pakpak at mabilis na hinanap ang pinanggalingan nito. Lubos ang kanyang galak nang masumpungan ang isang dalagang malungkot na umaawit sa gitna ng batis. Ang dalaga ay nakababatang kapatid ni Mariang Makiling na nagngangalang Diwatang Leso. Labis na nahumaling si Marco sa tinig ng diwata at halos makalimutan nito ang kanyang layunin sa pagbaba sa lupa. Nang makabalik sa kanyang hinagap...
Read more